Categories
Health

គួរធ្វើយ៉ាងណា ដើម្បីជៀសពីការពុលអាហារ?

1. តើការពុលអាហារជាអ្វី?

ការពុលអាហារ គឺជាជំងឺ ដែលបណ្តាលមកពីការបរិភោគអាហារ ដែលមានផ្ទុកនូវមេរោគ ឬបាត់តេរី។ ហើយជាធម្មតា វាមិនជាធ្ងន់ធ្ងរទេ ភាគច្រើន នៃអ្នកជំងឺនឹងបានប្រសើរឡើងវិញក្នុងរយៈពេល ២ ទៅ ៣ ថ្ងៃ។ ក្នុងនោះផងដែរប្រភេទអាហារដែលធ្វើឱ្យពុល គឺជាអាហារដែលមានផ្ទុកនូវបាក់តេរី ដូចជា សាលមូនេឡា (Salmonella) ឬ Eschericia coli (E. coli) ឬមេរោគ Norovirus។

2. តើវាអាការៈបែបណា?

ជាធម្មតាការពុលអាហារចាប់ផ្តើមអាការៈក្នុងរយៈពេល ១ ទៅ ២ថ្ងៃបន្ទាប់ពីបរិភោគអាហារ ដែលមានផ្ទុកនោះ។ 

រោគសញ្ញាសំខាន់ៗ ដែលនឹងកើតមានឡើង៖ 

  1. មានអារម្មណ៍ថាអត់ស្រួលខ្លួន
  2. ក្អួតចង្អោ
  3. រាគ អាចមានឈាម
  4. ខ្សោយ បាត់បង់ថាមពល
  5. លែងមានចំណង់ឃ្លានអាហារ
  6. ឡើងកម្តៅ
  7. ឈឺសាច់ដុំ

3. មូលហេតុដែលអាចធ្វើអោយពុលបាន?

អាហារ ដែលអាចធ្វើឱ្យយើងពុលបាន ឬមានផ្ទុកនូវមេរោគទាំងនោះ គឺកើតឡើងក្នងដំណាក់កាល រៀបចំ និងពេលចំអិន។ ក្នុងនោះមានដូចជា 

  1. ការចំអិន មិនមានរបៀបត្រឹមត្រូវទៅតាមប្រភេទ នៃសាច់នីមួយៗ 
    • សាច់គោ សាច់ជ្រូក ត្រូវចំអិនយ៉ាងហោចណាស់ 63c  
    • សាច់មាន់ ត្រូវចំអិន យ៉ាងហោចណាស់ 74c
  2. ការទុកដាក់មិនបានត្រឹមត្រូវ មកពីការដាក់ទូរទឹកកកមានសីតុណ្ហភាពមិនត្រឹមត្រូវ តាមប្រភេទទំនិញ
  3. ការទុកម្ហូប ដែលចំអិនរួចយូរពេកនៅកន្លែង ដែលមានសីតុណ្ហភាពក្តៅ
  4. មួយទៀត អត់បានធ្វើការចំអិនឡើងវិញ ឬកម្តៅវា
  5. ការមិនបានលាងសម្អាតដៃបានត្រឹមត្រូវ មុនពេលចំអិន និងបរិភោគ
  6. បរិភោគអាហារ ដែលលើសថ្ងៃផុតកំណត់
  7. ឬក៏ អាហាររបស់អ្នក បានឆ្លងមេរោគពីអាហារផ្សេងៗ ឬរបស់ដែលមានផ្ទុកមេរោគស្រេច។

4. អាចប៉ះពាល់ដល់ជីវិតដែរ ឬទេ?

  1. ក្រុមមនុស្ស ដែលមានអាយុចាប់ពី 65 ឆ្នាំឡើងទៅ
  2. កូនក្មេង ដែលមានអាយុតិចជាង ៥ឆ្នាំ
  3. ក្រុមមនុស្សដែលមានជំងឺប្រចាំកាយ មានប្រព័ន្ធការពារខ្សោយ
  4. មនុស្ស ដែលមានពពោះជាដើម។

5. វិធីសាស្ត្រជៀសវាងការពុលអាហារ

  1. ការលាងសម្អាត៖ ត្រូវធ្វើការលាងសម្អាតដៃ និងសម្ភារៈ ដែលអ្នកប្រើសម្រាប់ធ្វើម្ហូប មុនពេលប្រើ និងក្រោយពេលប្រើ។ 
  2. ការរៀបចំ និងបែងចែក៖ ធ្វើការបែងចែកសម្ភារៈ សម្រាប់សាច់ឆៅផ្សេង និងបន្លែផ្លែឈើផ្សេង បើមិនដូច្នេះទេ មេរោគដែលនៅនឹងសាច់ អាចឆ្លងទៅកាន់បន្លែ ផ្លែឈើរបស់អ្នក។ 
  3. ការចំអិន៖ ដំណាក់កាលចំអិន ជារឿងសំខាន់ អ្នកចាំបាច់ត្រូវធ្វើការចំអិនអោយត្រូវតាមស្តង់ដារកម្តៅ ដើម្បីធ្វើការសម្លាប់មេរោគ ឬបាត់តេរី។ 
  4. ការទុកដាក៖ អ្នកត្រូវធ្វើយ៉ាងណា ទុកទូរទឹកកករបស់អ្នកមានសីតុណ្ហភាព 5 អង្សារ ឬក្រោមហ្នឹង។

អានបន្ថែម៖

  1. https://www.cdc.gov/foodsafety/food-poisoning.html
  2. https://www.nhsinform.scot/illnesses-and-conditions/infections-and-poisoning/food-poisoning#:~:text=Food%20poisoning%20is%20an%20illness,virus%2C%20such%20as%20the%20norovirus.